Gariyawaye ta rawaito cewa masu garkuwa da mutane sun kai hari a ofishin rundunar sojojin Najeriya da ke Abuja a daren Alhamis inda suka yi garkuwa da mutane biyu.
Lamarin wanda ya faru da misalin karfe 10:00 na dare. a yankin Phase 2 na yankin, akwai masu garkuwa da mutane da suka shigo cikin gidajen suka tafi da matar da daya daga cikin surukin wani Barista Cyril Adikwu.
A cewar Austine John, wanda makwabci ne ga wanda lamarin ya shafa, masu garkuwa da mutanen sun shigo ne suka fara harbe-harbe a lokacin da suka kutsa kai gidan Barista suka tafi da matarsa da surukansa yayin da Barista ya tsere.
“Al’amarin ya faro ne da misalin karfe 10:00 kwatsam sai muka fara jin karar harbe-harbe, kuma nan da nan muka fahimci cewa akwai matsala. Na fita da sauri na tabbatar gate ta a kulle.
“Sai muka ji karar harbe-harbe a gidan Barista, daga nan ne muka sanar da jami’an hukumar, inda nan take suka dauki mataki. Cikin kankanin lokaci sojoji suka zagaya suma suka fara harbi, amma kafin su zo, masu garkuwa da mutane sun tafi da matar da kuma surukin Barista.
“Hakika wannan abin takaici ne saboda ba mu iya yin barci tsawon dare saboda tsoron masu garkuwa da mutane su dawo. Ya kamata shugaba Tinubu ya taimaka wa ‘yan Najeriya wajen kawo karshen wannan danyen aikin da masu garkuwa da mutane ke yi.
Cikakkun bayanai nan gaba kan…
Fasarar: Vanguard News
Torawa Yan'uwa Da Abokai
